FDA përpiqet të “luftojë” kripën – Do të shkurtojë nivelet me 12% në një varg produktesh. Njerëzit e mbështesin
Kalimtarët në sheshin Times Square në New York, ishin kryesisht mbështetës të vendimit të Adminsitratës së Barnave dhe Ushqimeve, për të ulur nivelet e kripës me rregulloren e re. Agjencia po përpiqet të shkurtojë nivelet e kripës me një mesatare prej 12% në ushqimet që variojnë nga mishi i paketuar e deri tek djathi, në përpjekje për të trajtuar një “epidemi” të problemve shëndetësore të parandalueshme. “Më vjen mirë që po reduktohet niveli i kripës pasi, problemi numër një është tensioni i lartë” – tha Wendy, një kalimtare.
Nën udhëzimet e reja, agjencia po synon objektiva afat-shkurtër vullnetarë të natriumit tek prodhuesit e ushqimeve, restorantet dhe operuesit e shërbimit ushqimor. Agjencia kërkon të shkurtojë marrjen e natriumit në një mesatare prej 3,000 miligram në ditë, krahasuar me 3,400 mg, në 2 vitet e ardhshme. Megjithatë, mesatarja do jetë përsëri sipër udhëzimeve dietike për amerikanët, që rekomandojnë një limit prej 2,300 miligram në ditë, për këdo në moshë 14-vjeç e sipër.
Vendimi ka gjasa të ndikojë industrinë e ushqimeve të paketuara, si dhe lojëtar të mëdhenj si Pepsi, Kraft Heinz, dhe Campbell Soup. Fast-foodet që u pëlqejnë amerikanëve, si McDonalds, do jenë gjithashtu nën radar. Mbi 4 në 10 të rritur amerikanë vuajnë nga presioni i lartë i gjakut dhe ulja e marrjes së natriumit ka mundësi të parandalojë qindra mijëra vdekje të parakohëshme dhe sëmundje në vitet e ardhshme, sipas agjencisë. Kripa është një ingredient i pranishëm në thuajse çdo ushqim. Agjencia është përqëndruar në 163 kategori të usqhimit të procesuar, paketuar dhe përgatitur, përfshirë lloje të ndryshme të djathit, salcave, mishit, arrave dhe shpendët, që janë të gjithë gjërat që amerikanët pëlqejnë.
Klevis Llaha / SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.