FDA vonon Moderna për 12-17 vjeçarët – I duhet kohë për të vlerësuar rrezikun e miokarditit. Shtyhet në Janar 2022

Moderna bëri të ditur se Administrata e Barnave në SHBA e ka lajmëruar se do të duhet kohë shtesë për të përfunduar vlerësimin e vaksinës së Covid-19 për përdorim tek adoleshentët në moshë 12-17 vjeç.  Agjencia informoi Moderna se rishikimi mund të mos përfundohet deri në Janar 2022, sipas deklaratës së kompanisë, ç’ka do vonojë kohën e një autorizimi për përdorim emergjent për atë grupmoshë.  Ekzekutivi i Moderna, Staphane Bancel, tha në javën e kaluar për Reuters se bazuar në dialogun me agjencinë, ai mendonte se vaksina  për 12-17 vjeçarët do autorizohej në javën e 2 ose të 3 të Nëntorit.

Kompania amerikane e bioteknologjisë theksoi se i është komunikuar nga Administrata e Barnave dhe Ushqimeve se i duhet më shumë kohë për të vlerësuar analizat e fundit ndërkobmëtare të rrezikut të një lloji të inflamacionit të zemrës të quajtur miokardit, pas vaksinimit. Ky është një efekt i rrallë anësor që ndikon kryesisht meshkujt e rinj. Moderna bëri të ditur se po përfundon vlerësimin e vetë të një analize të re të jashtme mbi rritjen e rrezikut të miokarditit tek ata në moshë 18 –vjeç e poshtë.

Moderna ka aplikuar për autorizim në SHBA për grupmoshën 12-17 vjeç në Qershor.  Amerikanët e asaj moshe janë të përshtatshëm për vaksinën e ngjashme të Covid nga Pfizer dhe BioNTevh, pasi u miratua nga agjencia dhe Qendra për Kontrollin dhe Parandalimin e Sëmundjeve në Maj.  Moderna theksoi gjithashtu se do të vonojë kërkesën për përdorim emergjent për dozën me gjysmë fuqi prej 50 mikrogramësh për të vaksinuar fëmijët në moshë 6-11 vjeç, ndërkohë që agjencia përfundon rishikimin e grupmoshës 12-17 vjeç.

SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.