Fed bën ndryshimin e madh – Ndryshimet klimatike do të jenë përcaktuese për politikat monetare
Rezerva Federale sinjalizon se së shpejti mund të inkorporojë rreziqet që burojnë nga ndryshimet klimatike në vlerësimet që bën për stabilitetin financiar, e që gjithashtu mund t`i vlerësojë si elementë kur të vendosë për politikat monetare.
“Për të përmbushur përgjegjësitë tona kryesore, është e rëndësishme për Rezervën Federale që të studiojë implikimet e ndryshimeve klimatike në ekonomi dhe në sistemin financiar”-deklaroi guvernatorja e Rezervës Federale, Lael Brainard, gjatë konferencës së parë të Fed për ndryshimet klimatike.
Ajo shtoi se, banka qendrore e Shteteve të Bashkuara të Amerikës duket të shikojë se si reagojnë bankat dhe sistemi financiar ndaj motit ekstrem, temperaturave të larta, rritjen e nivelit të detyrave, si dhe efektet e tjera të akumulimit të gazrave të dëmshëm në atmosferë.
“Do të jetë e rëndësishme për Rezervën Federale që të marrë parasysh efektet e ndryshimeve klimatike në vendosjen e politikave monetare, në mënyrë që të arrijmë objektivin e punësimit të plotë dhe stabilitetit të çmimeve”-nënvizoi numri një i Rezervës Federale.
Vëmendja e bankës qendrore të Shteteve të Bashkuara të Amerikës ndaj ndryshimeve klimatike vjen pavarësisht faktit se administrata Trump e mohon ekzistencën e këtij fenomeni.
SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.