FED lehtëson rregullat e bankave – Ndryshon ligjet e vendosura pas krizës, që limitojnë aktivitetin tregtar

Rregullatorët amerikanë propozuan thjeshtëzimin e rregullave të propozuara pas krizës financiare që ndalojnë disa aktivitete tregtare të bankave.

Ndryshimi i ligjit të Volcker,  që ndan bankingun e investimeve nga njësitë e huadhënies së bankave, shënon një tjetër hap nga administrata e Donald Trump drejt heqjes së rregullave të vendosura pas krizës financiare (Dodd-Frank), në përpjekje për të nxitur huadhënien dhe rritjen ekonomike.

Bankat janë ankuar prej kohësh ndaj rregullave që  ndalojnë huadhënësit që pranojnë depozitat e taksapaguesve amerikanë që të ndërmarrin aktivitete tregtare me llogaritë e tyre.

Ndryshimi synon që të ndajë tregtitë që kualifikohen të sigurta, si ato që bankat ndërmarrin për të lehtësuar pozicionet e klientëve dhe  mbrojtur nga rreziku. Ndryshimi do të krijojë gjithashtu një kuadër të niveluar, duke aplikuar mbikëqyrje të rreptë për institucionet që kanë aktivitete të mëdha të  tregtimit  dhe duke i dhënë bankave më të vogla më shumë liri.

18 bankat e vendit që kanë më shumë se 10 miliardë dollarë aktive të tregtueshme, që përbëjnë për 95% të të gjithë aktivitetit tregtar, përballen me rregullat më të ashpra.

Bankat me aktive mes 1-10 miliardë dollarë do të kenë një set më të lehtë të rregullave, ndërsa ato me më pak se 1 miliardë dollarë,  do të pranohen direkt si të rregullta.  Propozimi hedh poshtë gjithashtu një rregull që supozon se bankat që ndërmarrin tregti afat-shkurtër e bëjnë me qëllim fitimi.

Klevis Llaha/SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.