FED, thirrje për mbështetjen e punësimit / Powell: Duhet angazhim kombëtar për të rikthyer amerikanët në punë
Kryetari i Rezervës Federale në SHBA, Jerome Powell, bëri thirrje për një “angazhim në rang shoqëror”, për të rikthyer amerikanët në punë, veçanërisht minoritetet dhe të larguarit nga puna gjatë pandemisë. Ndërkohë që sistemi bankar qendror në SHBA ka premtuar se kostot e huamarrjes për firmat dhe familjet do qëndrojnë të ulëta, komentet e Powell i’u drejtuan nevojës për një qasje më gjithëpërfshirëse ndaj krizës së punësimit që erdhi si pasojë e koronavirusit.
Powell, nëpërmjet thirrjes së tij, ishte në linjë me presidentin Joe Biden dhe Sekertaren e Thesarit, Janet Yellen. Shtetet e Bashkuara kanë humbur thuajse 9 milionë vende pune, krahasuar me një vit më parë dhe rimëkëmbja ka qenë e dobët për grupet e minoritetit dhe ata që kanë humbur vendet e punës nga pandemia.
Biden po i bën thirrje Kongresit që të kalojë paketën e shpenzimeve prej 1.9 trilionë dollarë dhe po planifikon investime më afat-gjata në infrastrukturë, që sipas disa analistëve do të përfshirë shpenzime të tjera federale në triliona dollarë. Pavarësisht se Rezerva Federale nuk ndërhyn dot tek mënyra se si qeveria shpenzon paranë, politikat e bankave qendrore influencojnë normën e interesit që qeveria paguan dhe për rrjedhojë, koston e investimeve, zakonisht afat-gjata. Gjatë pandemisë, politikëbërësit e FED kanë vendosur mënjanë shqetësimet e borxhit federale dhe janë përqendruar më shumë tek nevojat ekonomike.
Klevis Llaha – SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.