Femrat sipërmarrëse, më “miqësore” me bankat – Raporti i BB: Dy herë më të prirura se meshkujt për të marrë kredi
Raporti më i fundit i Bankës Botërore për vlerësimin e skemës së kreditimit në vendin tonë nxjerr në pah të dhëna mjaft interesante. Një ndër to është edhe fakti se firmat të cilat drejtohen nga gra apo vajza janë dy herë më shumë të prirura për të financuiar investimet e tyre nëpërmjet sistemit bankar, pra për të marrë hua. Kështu, të dhënat tregojnë se, në vendin tonë, përqindja e firmave që drejtohen nga femra dhe që ka marrë kredi fiksohet në 37%.
Për këto ndërmarrje, 25% e investimit financohet nga bankat. Për firmat ku janë meshkujt drejtues, kjo normë është e përgjysmuar, në 18%. Firmat që drejtohen nga femra kanë gjithashtu përqindjen më të ulët të investimit me financim të brendshëm, pra pa i`u drejtuar bankës. Për meshkujt, përqindja është më e lartë mes tipoligjive të ndërmarrjeve.
Ajo që bie tjetër në sy nga këto të dhëna, është fakti se ndërmarrjet që janë të orientuara nga eksportet janë më shumë të drejtuara drejt sektorit bankar për të financuar investimet e tyre. Me 38% të totalit të financimit që garantohet nga bankat, këto ndërmarrje janë në vend të parë, sipas të dhënave të Bankës Botërore.
Roel Korkuti / SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.