“Festat e fundvitit” – Këto janë dhuratat më të mira që mund t’i bëni punonjësve tuaj
Dhjetori me gjithë festat dhe pushimet e tij, mund të jetë një nga kohët më të mrekullueshme të vitit, por gjithashtu dhe më e komplikuara. Nëse po mendoni se çfarë mund t’i dhuroni punonjësve tuaj më poshtë do të gjeni një listë me atë që do të ishte më e mira t’i dhuronit punonjësve tuaj.
- Bonus/Shpërblim
Shpeshherë një shpërblim për fundvit është një nga dhuratat më të mira që mund të bësh për një punonjës, pasi dhjetori është pikërisht muaji ku shpenzimet shtohen, e shpeshherë ndodh që rroga të mos mjaftojë as për të përmbushur nevojat e jo më për të blerë apo për të bërë diçka argëtuese. Një shpërblim është dhurata që nuk do t’i ikë kurrë koha.
- Një darkë
Darkat me punonjësit për festat e fundvitit janë ato që ju sjellin më afër me punonjësit tuaj ku ju mund të argëtoheni, të jeni më të lirshëm e të kaloni disa kohë së bashku me njerëzit që kaloni çdo ditë. Të gjithë do të dëfrehen e do të kënaqen kështu që darkat e fundvitit janë një dhuratë e mirë për të gjithë.
- Disa falenderime dhe fjalë të ngrohta
Sigurisht që punonjësit i vlerësojnë më shumë ato që u përmendën më sipër por pavarësisht kësaj në rast se ju jeni një kompani e vogël, apo një sipërmarrje e sapokrijuar, disa falenderime dhe fjalë të ngrohta për t’i motivuar punonjësit e për t’i bërë të ndihen të rëndësishëm e të vlerësuar janë dhurata më e mirë që mund të bëni.
- Pushime
Pushimet janë gjithnjë një dhuratë e mirë, madje mund të themi se vlerësohet dhe më shumë se sa shpërblimet monetare. Të gjithë i preferojnë ato sidomos në këto ditë ku atmosfera është kaq festive e moti I ftohtë. Është momenti më I mirë për të qëndruar pranë njerëzve të tyre të dashur e të shkëputën për pak kohë nga rutina e përditshme.
V.H/SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.