Fillon procesi i regjistrimit të rreth 16,500 pronave në jug / Lame: Operacioni më i madh kadastral i marrë ndonjëherë në këtë zonë

Gjatë një konference për shtyp  Drejtor i Përgjithshëm i ASHK, Artan Lame njoftoi se do të nis operacioni më i madh kadastral i marrë ndonjëherë në zonën  e jugut.

“Ky proces do të trajtojë rreth 16500 pasuri private kryesisht toka të përfituara me AMTP, shtëpi të vjetra tradicionale, objekte në proces legalizimi, prona të vjetra, objekte të privatizuara”, është shprehur Lame.

Gjithashtu do të trajtohen 5200 pasuri shtetërore, kryesisht prona të institucioneve publike, të infrastrukturës bujqësore dhe rrugore, prona të njësive vendore, kullota pyje dhe objekte të tjera të kësaj kategorie.

Prej këtij procesi do të përfitojnë rreth 8000 banorë rezident apo të emigruar.

Lame është shprehur se procesi i ndërprerë më parë , ka filluar dy herë po pa u përfunduar. Lame ju ka premtuar banorëve të zonës se kësaj here ky proces do të shkojë deri në fund.

“Procesi i monitorimit do të kryhet nga ekspertët nga Tirana për shkak të ekspertizës më të mirë dhe shmangies së konfliktit të konfliktit të interesit midis punonjësve lokal si dhe për të mos përfshirë në këtë proces një drejtori rajonale e cila ka shfaqur probleme”, është shprehur Lame në konferencë. Siguria juridike do të ulë problematikat dhe konfliktet me pronat.

SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.