Financim sipas performances, Mesi: Bashkitë më të mira do përfitojnë më shumë
Qeveria shqiptare është e gatshme të japë më shumë para për bashkitë që rezultojnë me perfomancë më pozitive. Kjo ka qenë edhe një kërkesë e hershme e disa bashkive në vend, si një mënyrë incentivimi për të ofruar shërbime me cilësore për qytetarët.
Në konferencën mbi decentralizimin e pushtetit vendor, Ambasadori i Zvicrës në Tiranë, si një ndër shtetet më mbështetëse të kësaj reforme, vuri theksin tek zbatimi i kuadrit ligjor dhe shtirja e shërbimeve tek çdo banorë nën juridiksionin e secilës bashki.
Strategjia e Decentralizmit dhe Qeverisjes Vendore 2015-2020 është në vitin e tretë të zbatimit të saj, dhe referuar të dhënave zyrtare nga qeveria, ka pasur një progres të ndjeshëm të pushtetit vendor sa i përket mbledhjes së të ardhurave në 28 për qind dhe investimeve me 88 për qind krahasuar me vitin 2014. Ndërsa transferta e pakushtëzuar nga qeveria është rritur nga vitit në vit.
Elisabeta Dosku/SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.