Financime për kulturat bujqësore që garantojnë eksporte “të suksesshme”- Titujt e pronësisë së tokave, kërkohet zbatim i plotë i ligjit
“Çështja e titujve te pronësisë për tokat bujqësore ka hyrë në rrugën e zgjidhjes, ndërkohë që do të kalohet në fazën e zbatimit të plotë të ligjit”. Kështu është shprehur Kryeministri Rama gjatë fjalës së tij ku më tej theksoi:
“Do zgjidhim përfundimisht çështjen e titujve të pronësisë në bujqësi, tashmë ky proces ka hyrë në rrugën e zgjidhjes. Duhet kaluar në fazën e zbatimit të plotë të ligjit dhe pajisjen e atyre që zotërojnë tokë me tituj pronësie, në bazë të ligjit.”
Kreu i qeverisë ka theksuar gjithashtu edhe se ku do të përqendrohen financimet në bujqësi.
“Ne do të financojmë vetëm ato kultura që janë identifikuar si kultura në dobi apo në funksion të suksesit. Shteti do të imponojë një politikë që nxit më shume eksportet për ato kultura që na sjellin më shumë sukses. Ne do të fuqizojmë politikën e financimit për ata që janë të bashkuar në shitje. Nëse nuk bashkohen në shitje, fermerët do të vuajnë çmimin e ulet, si pasojë e vetmisë dhe e pafuqisë së tyre”.
Kryeministri theksoi gjithashtu se duhet të përfshihet në proceset e zhvillimit, Universiteti Bujqësor, kjo për të vënë një bazë të rëndësishme për një transformim rrënjësor të sektorëve.
os.de/SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.