Financimi i arsimit të lartë – 85% e grantit për mësimdhënie dhe 5% për kërkimin shkencor
Hyn në fuqi vendimi për modelin e ri të shpërndarjes se fondit nga buxheti i shtetit për arsimin e lartë dhe kërkimin shkencor.
Sipas këtij modeli të botuar në fletoren zyrtare financimi tashmë do të bëhet në formë granti i cili për mësimdhënien do të jetë jo më pak se 85% të totalit të grantit vjetor, politikat e zhvillimit për institucionet e arsimit të artë do të jenë deri në 10% ndërsa puna kërkimore shkencore dhe veprimtaritë krijuese do të financohen vetëm më 5 % të grantit vjetor.
Sipas njoftimit të bërë publik bëhet me dijë se përdorimi i fondeve publike nga buxheti i shtetit për institucionet e arsimit të lartë bëhet me kushtet dhe qëllimet e grantit të miratuar. ndërkohë fondet e papërdorura në fund të vitit financiar trashëgohen në vitin pasardhës.
Sipas këtij vendimi Institucionet publike të arsimit të lartë, të cilat planifikojnë fonde për punën kërkimore- shkencore dhe veprimtaritë krijuese nga të ardhurat e tyre, në raport me parashikimin e bashkëfinancimit, kanë prioritet në përfitimin e fondeve grant nga buxheti i shtetit.
Nertila Doko/SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.