Finlanda bëhet gati për kryeministren më të re në botë! Eshtë vetëm 34 vjeçare

Vetëm 34 vjeçare,Sanna Marin është duke bërë histori ndërsa bëhet kryeministrja më e re në botë.

Socialdemokratja nga Finlanda fitoi mbështetjen e partisë së saj këtë fundjavë dhe është parashikuar të konfirmohet këtë javë. Marin do të drejtojë një qeveri të përbërë nga koalicioni i 5 partive.

Marin do të drejtojë qeverinë në një moshë edhe më të re se kryeministrja e Zelandës së Re Jacinda Arden që ishte 37 vjeçare në kohën që mori detyrën. Kim Jong Un i Koresë së Veriut ishte më pak se 30 vjeç kur u bë Lider Suprem në vitin 2011. “Bloomberg” në artikull shkon pas në histori kur përmend kryeministrin britanik Uillian Pitt i Ri që u bë kryeministër i Britanisë vetëm 24 vjeçar në vitin 1783.

Edhe pse në artikull nuk përmendet, Shqipëria ka pasur kryemininistra që e kanë marrë detyrën në moshë shumë të re.

Ahmet Zogu e mori detyrën e kryeministrit në moshën 29 vjeçare, Ilir Meta në moshën 30 vjeçare dhe Pandeli Majko në moshën 31 vjeçare.

SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.