Firma e dytë më e madhe e transportit ajror në Evropë do të shkurtojë 22 mijë vende pune – Gjysma e tyre në Gjermani
Linja ajrore gjermane Lufthansa ka thënë se do të shkurtojë 22,000 vende pune ndërsa përpiqet të përballojë pasojat ekonomike të pandemisë.
Transportuesi parashikoi një rikuperim të ngadaltë të kërkesës, por gjithsesi pret të ketë rreth 100 më pak avionë në fluturim pas krizës.
Lufthansa tha se gjysma e shkurtimeve të punës do të ndodhë në Gjermani.
Kompania shtoi se shpreson të minimizojë kostot nëpërmjet kontratave afatshkurtra të punës.
“Qëllimi është që të hapet rruga për ruajtjen e sa më shumë punëve të jetë e mundur në Grupin Lufthansa,” tha kompania.
Linja ajrore punëson më shumë se 135,000 njerëz në të gjithë botën. Rreth gjysma e tyre janë në Gjermani. Muajin e kaluar, Lufthansa ra dakord për një marrëveshje shpëtimi me vlerë 9 miliardë € me qeverinë gjermane për ta shpëtuar atë nga kolapsi. Në këmbim, qeveria gjermane do të marrë 20% të aksioneve në firmë, të cilën synon ta shesë deri në fund të vitit 2023.
D.B – SCAN
Burimi: BBC
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.