Firmat e Britanisë së Madhe janë gati të mikroçipojnë mijëra të punësuar

Firmat në Mbretërinë e Bashkuar po konsiderojnë të implantojnë mikroçipet te punonjësit e tyre për të rritur sigurinë.

Biohax, një kompani suedeze që ofron implantet e çipeve të njeriut, tha për Daily Telegraph se ishte ‘në bisedime’ me një numër firmash ligjore dhe financiare në Mbretërinë e Bashkuar për të pajisur stafin me mikroçipet.

Me sa duket, një klient ka “qindra mijëra punonjës” dhe ndoshta beson se injektimi i çipeve te punonjësit e tyre është më e lehtë se dhënia atyre të një pasaportë sigurie.

“Këto kompani kanë dokumente të ndjeshme për të cilat kanë të bëjnë. Mikroçipet do ti lejonin atyre të vendosin kufizime për këdo”, tha Jowan Österlund, themeluesi i Biohax.

Natyrisht, jo të gjithë janë në një linjë me këtë ide.

“Ndërsa teknologjia po ndryshon mënyrën se si punojmë, kjo e bën leximin dukshëm të pakëndshme. Firmat duhet të përqendrohen në përparësi të menjëhershme dhe duke u fokusuar në angazhimin e punonjësve të tyre”,  tha një zëdhënës i Konfederatës së Industrisë Britanike për “The Guardian”.

Biohax thotë se mikroçipet e saj, që janë rreth madhësisë së një kokrrizë orizi, kushtojnë 150 paund secila.

Ata vendosen në lëkurë mes gishtit të madh dhe gishtit tregues dhe mund të përdoren si çdo lloj transmetuesi – për të hapur dyert ose për të ndezur një makinë, për shembull.

Ata gjithashtu mund të ngarkohen me të dhëna mjekësore që mund të arrihen nëse personi ka qenë ndonjëherë në një aksident.

Österlund tha se kompanitë më të mëdha, si ato me mbi 200,000 punonjës, mund të ofronin këtë si diçka opsionale për t’i lehtësuar jetën e punonjësve të tyre dhe për të shpëtuar paratë e kompanisë.

E.Z/SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.