Firmat e huaja kërkojnë të ripërtërijnë licencat e Libisë

Firma franceze Total dhe shumë firma të tjera të huaja kanë filluar të rinovojnë licencat e tyre të biznesit me qeverinë e njohur ndërkombëtare të Libisë për të vazhduar veprimin e tyre në vend, bëri me dije Ministri i Ekonomisë në Tripoli për Reuters. Komentet e Ali Abdulaziz Issawi mund të qetësojnë shqetësimet e Perëndimit se qeveria e Tripolit po përpiqet të pezullojë naftën dhe firmat të tjera ndërsa është në mesin e një lufte për mbijetesë kundër një ofensive nga forcat ushtarake lindore të Khalifa Haftar.

Në maj, ministria e ekonomisë pezulloi Totalin dhe 39 firma të tjera të huaja, duke thënë se licencat e tyre kishin skaduar, përpara se ti jepte atyre 3 muaj kohë për të sjellë dokumente të ripërtërira. Disa diplomatë dhe analistë e panë këtë lëvizje si një presion politik që synonte të forconte mbështetjen europiane në rastin e një sulmi nga Ushtria Kombëtare e Libisë së Haftarit e cila prej dy muajsh synon të marri kryeqytetin e Tripolit.

Issawi tha gjithashtu se prodhimi i naftës në Libi ishte rreth 1.25 milionë fuçi në ditë, në përputhje me nivelet e raportuara më parë. Issawi tha se portet dhe importet po punonin normalisht, duke shtuar se Libia kishte katër muaj rezerva gruri.
Disa analistë presin që qeveria e Serrajit do të detyrohet të shtoj borxhet në qoftë se lufta për kontrollin e Tripolit zvarritet.

Burimi: Reuters

Edel Strazimiri / SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.