Firmat e luksit në BE, si teknologjia në SHBA – “Nuk pyesin” për pandeminë, asnjë konkurrent në arenën botërore
Infektimet me koronavirus po vazhdojnë të shtohen në botë dhe Kina po përballet me një rishfaqje të rasteve, por kjo nuk i ka ndaluar investitorët të blejnë aksione të firmave të luksit, që kanë arritur vlera rekord në treg.
Një serë faktorësh, përfshirë shpenzimet e mëdha kineze dhe një nisje pozitive të sezonit të raportimit të të ardhurave, kanë mbështetur aksionet e LVMH, Hermes dhe Kering, që kanë prekur nivele rekord në muajt e fundit. Cilësia e bizneseve dhe pozita e tyre në tregun e aksioneve ka bërë që disa investitorë t’i krahasojnë kompanitë me gjigantët e teknologjisë në Shtetet e Bashkuara.
Analistët në kontinent thonë se fondet i shohin kompanitë e luksit në Evropë si sektorin ekuivalent me teknologjinë në SHBA, që nuk i konkurron askush në arenën botërore. Pronari i Kartier, Richemont, firma e parë e luksit që raporton performancën për tremujorin e fundit 2020, përgatiti investitorët duke ofruar një rezultat sipër pritshmërive, pavarësisht masave të karantinës dhe kufizimeve në udhëtim.
Konglomerati francez LVMH, një nga firmat më të mëdha në 600 kompanitë kryesore evropiane në indeksin Stoxx 600, pritet të tejkalojë homologët, prej shitjeve të mëdha tek markat Dior dhe Louis Vuitton.
Klevis Llaha – SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.