“Firmat të disponojnë vaksinat për prova” – CEPI: Ngurrimi i tyre po ndalon zhvillimin e vaksinave të reja
Prodhuesit e vaksinave të Covid-19 duhet t’i bëjnë injeksionet e miratuara të disponueshme për prova, përndryshe rrezikojnë të ngadalësojnë zhvillimin e më shumë vaksinave, sipas Koalicionit për Inovacione të Përgatitshmërisë Epidemike (CEPI). Studimet e mëdha të vaksinave kanë vlerësuar deri më tani normat e infeksionit duke krahasuar vaksinën eksperimentale me një placebo. Por prova të tilla mund të mos konsiderohen më etike në vende ku një vaksinë efektive është e disponueshme gjerësisht.
Vaksinat e reja do të duhet të testohen në krahasim me një vaksinë ekzistuese, sipas organizatës, të themeluar në vitin 2017 për të zhvilluar vaksinat, që financohet nga shtete si India dhe fondacioni Bill dhe Melinda Gates. “Mungesa e aksesit tek vaksinat krahasuese ka ndalur zhvillimin e kandidatëve premtues të vaksinave të reja”- tha Melanie Saville, shefja e hulumtimit dhe zhvillimit për vaksinat tek organizata.
Vaksinat ekzistuese janë shitur nën kontrata të furnizimit që nuk mbulojnë përdorimin e tyre në prova klinike. Përjashtim bën vetëm AstraZeneca, vaksina e të cilës e zhvilluar me Universitetin e Oksfordit, është përdorur si krahasues për provat klinike, përfshirë nga firma në Itali, Francë dhe Korenë e Jugut.
SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.