Firmoset marrëveshja e Komitetit të Përhershëm mes Italisë dhe Shqipërisë/ Në fokus investimet për Ballkanin si dhe përforcimi i marrëdhënieve ekonomike

Në një konferencë të përbashkët për media, kryeministri Edi Rama së bashku me ministrin e jashtëm Italian, Luigi Di Maio, kanë deklaruar firmosjen e marrëveshjes së Komitetit të Përhershëm. Kjo marrëveshje konsiston në përforcimin e marrëdhenieve ekonomike mes dy palëve si dhe zgjidhjen e pikave më kritike të të dyja vendeve.

Përgjatë fjalës së tij, kryeministri Rama, deklaroi se ky partneritet synon gjithashtu nxitjen e dialogut ne funksion të temave të posaçme, kryesisht në investimet për Ballkanin, në të treja shtyllat kryesore të tij; transport në infrastrukurë, energji dhe digjitalizim.

‘’Ky partneritet synon gjithashtu nxitjen e dialogut ne funksion të temave të posaçme, kryesisht në investimet për Ballkanin, në të treja shtyllat kryesore të tij; transport në infrastrukurë, energji dhe digjitalizim, dhe në dy shtyllat e para Italia ka ekspetizën e çmuar ndërkombëtare si dhe ka vullnetin të jetë pranë nesh. Ne do të përcaktojmë partnerët strategjik për vendin tonë në Krijimin e Komitetit të Përbashkët të Përhershëm.’’

Ndërkaq lidhur me këtë çështje, ministri italian i punëve të jashtme, Di Maio, ka nënvizuar se marrëdheniet mes dy vendeve ka qenë përherë të forta dhe lufta e përbashkët ndaj pandemisë së Covid-19, e tregoi dhe njëherë ketë.

‘’Lufta kundër Covid-19, ka kërkuar një sforcim të përbashkët. Marrëdhëniet tona ekonomike tregtare janë shumë të forta sa dhe qëndrueshmëria në marrëdhëniet tona duhet të jetë më e mira dhe pikërisht për këtë, ne kemi vendosur të krijojmë një marrëdhënie dypalëshe në kuadrin ekonomik. Një aspekt i lidhur me marrëdhëniet tona ekonomike tregtare përfshinë përhapjen e një linje të gjerë rrjetesh italiane në Shqipëri. Italia mbështet me bindje vendimet kurajoze të marra nga qeveria shqiptare.’’

Gjithashtu, Di Maio nuk la pa përmendur as Konferencën e Përbashkët Ndërqeveritare që pritet të ndodhë, duke theksuar se ky është objektivi kryesor më i afërt.

‘’Do të nxisim një mbledhje dhe mbetemi të vendosur për të mbajtur një konferencë europiane, si dhe mbështesim  pranimin e Shqipërisë në Bashkimin Europian’’.

SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.