Fitimet industriale në Kinë – Ngadalësohen në gjysmën e parë të vitit, zbehin perspektivën
Rritja e të ardhurave në firmat industriale të Kinës janë ngadalësuar në muajin Korrik, duke përforcuar pritshmëritë se ekonomia do të humbasë vrull në muajt që vijnë.
Fitimet e kompanive industriale u rritën me 16.5% me bazë vjetore, në një total prej 92.18 miliardë dollarë, duke u ngadalësuar nga muaji i kaluar, raporton Zyra e Statistikave.
Të ardhurat në sektorin industrial janë nxitur nga shpenzimet e mëdha qeveritare në ndërtim, që kanë shtuar kërkesën dhe çmimet e materialeve të ndërtimit.
Sektori i manifakturës, që përbën për 88% të fitimeve industriale, pati një rritje të të ardhurave me 18.1%.
Megjithatë, analistët thonë se rritja ekonomike do të ngadalësohet më vonë gjatë vitit, prej masave të Qeverisë për të reduktuar format e rrezikshme të huadhënies.
Përpjekjet e Pekinit për të ulur borxhin kanë rritur normat e interesit të huadhënies, duke vështirësuar kushtet për firmat ndërkohë që kostot e borxhit rriten.
Fitimet e firmave të zotëruara nga shteti u rritën me 44.2% në rreth 140 miliardë dollarë.
Klevis Llaha/SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.