Fituan në “kurriz” të punonjësve – Anti-infomaliteti në 2 muaj, 37 për qind e sipërmarrjes në shkelje
742 subjekte në dy muaj fushatë anti-informalitet janë kapur në shkelje të legjislacionit, pasi kanë punësuar individë të pa deklaruar. TV SCAN ka siguruar të dhënat e detajuara të Inspektoratit Shtetëror të Punës nga aksioni për periudhën 1 Korrik- 31 Gusht 2019, ku rezulton se nga 2058 subjekte që janë kontrolluar, 37 për qind prej tyre janë konstatuar në shkelje të legjislacionit të punës.
Konkretisht, në këto biznese 1465 individë punonin në të zezë, apo 30% e totalit të punëmarrësve të evidentuar, ku minimumi i kostos së munguar në arkën e shtetit për sigurim shoqëror e shëndetësor për një muaj, për këta punëmarrës, në 10.6 milion lekë.
Ndërkaq, gjatë aksionit “Stopinformalitetit” janë ndërmarrë masa me me pezullim të përkohshëm aktiviteti për 779 subjekte, ku përpos punëmarrësve në të zezë nuk janë zbatuar edhe detyrimet për sigurinë dhe shëndetin në punë, janë paralajmëruar 188 aktivitete, janë konstatuar pa licencë 66 aktivitete, ndërsa janë këshilluar 1299 subjekte të tjera.
Elisabeta Dosku / SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.