Fjalimi i themeluesit të FEB – Schwab: ”Bota duhet të vazhdojë rrugën e globalizimit!”

Themeluesi dhe ekzekutivi i Forumit Ekonomik Botëror, Klaus Schwab, tha se bota duhet të vazhdojë në rrugën e globalizimit, në mënyrë që të arrihet një cilësi më e mirë e jetesës për gjeneratat e ardhshme.   Takimi i këtij viti mbledh përsëri liderët e fuqive ekonomike botërore dhe Schwab tha se Forumi Ekonomik Botëror është bërë platforma bashkëpunuese më e gjerë në 50 vitet e fundit.

”Botës i duhet një platformë si Forumi Ekonomik Botëror. Unë shpresoj që kjo platformë të jetë efektive në të ardhmen për të gjitha çështjet që trajtojmë. Ashtu si ç’tha edhe presidenti Xi Jinping, ne jemi pjesë e një komuniteti botëror me të njejtin fat, prandaj edhe duhet të bashkëpunojmë. ”- është shprehur themeluesi i Forumit Ekonomik Botëror, Klaus Schwab.

Takimi i këtij viti duhet të trajtojë sfida si rritja e pasigurisë botërore që ka cënuar parimet e globalizimit  si dhe rreziqet e nga ndryshimi klimatik, sipas Schwab.

”Bota ka parë në 40 vitet e fundit se globalizimi është një fuqi pozitive për ekonominë botërore. Nëse krahasohemi me 40 vite më parë, kemi bërë progres gjigant, jo vetëm në rritjen e Produktit të Brendshëm Bruto, por edhe në krijimin e një cilësie më të mirë të jetës. ”– citon ai ndër të tjera.

Schwab përmendi gjithashtu vizitat e tij të shpeshta në Kinë dhe rikujtoi se si u nderua me Medaljen e Miqësisë së Reformave Kineze nga presidenti Xi Jinping.

SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.