Fluks turistësh – Zelanda e Re i takson, rrit edhe tarifën e vizave

Turistët në Zelandën e Re do të ngarkohet me një tjetër taksë, sipas planeve të reja qeveritare të njoftuara të premten për të ndalur fluksin në rritje të turistëve që vijnë nga jashtë. Një taksë prej 25-35 dollarë amerikanë do të vendoset ndaj vizitorëve të huaj nga mesi i vitit 2019, ndërkohë që rritja e çmimeve për tarifat e imigracionit dhe vizat do të hyjnë në fuqi këtë nëntor.

Numri i turistëve është rritur me 1/3 në tre vitet e fundit, ku vetëm në muajin prill shënoi 3.8 milionë vizitorë, në vendin që ka një popullsi vetëm prej 4,7 milionë banorësh.

“Kjo rritje e shpejtë ka ndikuar në kostot dhe disponueshmërinë e infrastrukturës. Shumë rajone po luftojnë për të përballuar fluksin dhe dëmet dhe urgjentisht kanë nevojë për infrastrukturë të rikonstrukturuar, nga pajisjet e tualetit e deri te parkun e makinave”.

Turizmi është një shtyllë kryesore e ekonomisë së Zelandës së Re dhe tatimi i ri pritet të rritet deri në 80 milionë dollarë në vitin e tij të parë, i cili do të ndahet midis infrastrukturës së turizmit dhe nismave për mbrojtjen dhe ruajtjen e mjedisit.

Partia kryesore opozitare Kombëtare pretendon se sistemi i ri taksash do ta bënte Zelandën e Re një destinacion “më pak tërheqës”.

E.Z/SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.