Fluks udhëtimesh për Pashkë në Palma de Majorka, pasi ishulli heq kufizimet e Covid-19

Banorët spanjollë nuk do të lejohen të udhëtojnë në Komunitete të tjera Autonome gjatë Pashkëve, por turistët nga vendet e tjera të Bashkimit Europian, përveç Mbretërisë së Bashkuar lejohen të vijnë në Spanjë. Qeveria dhe Komunitetet Autonome ranë dakord për propozimin e Këshillit Ndër-territorial për të mbyllur të gjitha komunitetet, përveç Ishujve Kanarie dhe Ishujt Balearik, nga 26 Mars – 9 Prill.

Kjo do të thotë që turistët nga BE mund të vijnë në Majorka për Pashkë, por banorët e ishullit janë të ndaluar të vizitojnë të afërmit dhe miqtë në Gadishull dhe të kufizohen në shoqërim me njerëzit që jetojnë në të njëjtën shtëpi. Turistët do të duhet ende të paraqesin një test negativ PCR të kryer jo më shumë se 72 orë para mbërritjes dhe ata nuk do të jenë në gjendje të largohen nga Komuniteti në të cilin po qëndrojnë.

Sipas Ministres së Shëndetësisë, Carolina Darias, marrëveshja specifikon që si në Ishujt Kanarie ashtu edhe në Ishujt Balearik, hyrja do të lejohet, por jo për turistët vendas. “Ne e vendosëm atë në dekretin e gjendjes së alarmit në mënyrë që të mos ketë dyshim se turizmi i brendshëm nuk është i mundur,” tha Ministri Darias.

Dr Fernando Simón, Drejtor i Qendrës Koordinuese për Alarmet Shëndetësore & Emergjencat ose CCAES, këmbëngul se lëvizja kombëtare dhe ndërkombëtare gjatë Pashkëve janë dy gjëra krejt të ndryshme. “Fakti që një anglez po vjen në Majorka nuk është i njëjtë me 20,000 njerëz që lëvizin nga një qytet në tjetrin,” tha ai.

Arbitrariteti në lidhje me ndryshimet midis turizmit kombëtar dhe ndërkombëtar varet nga shpërndarja e kompetencave. Komunistët Autonome kanë fuqinë të mbyllin kufijtë e tyre në rajone të tjera Spanjolle, por ata nuk mund ta mbyllin turizmin ndërkombëtar, vetëm Qeveria Qendrore mund ta bëjë këtë.

Pas takimit të Këshillit Ndër-territorial të Shëndetit të së Mërkurës, Ministrja e Shëndetësisë, Patricia Gómez, tha se kontrollet në portet dhe aeroportet në Ishujt Balearik do të vazhdojnë dhe pasagjerët nga Komunitetet Autonome me një normë kumulative të incidencës mbi 100 raste për 100,000 banorë në 14 ditë duhet të paraqesin një test negativ PCR-së gjatë mbërritjes.

Ajo gjithashtu tha se është bërë një kërkesë për të forcuar edhe më tej kontrollet e aeroportit. Dekreti i miratuar në Krishtlindje i lejoi njerëzit të udhëtonin në rajone të tjera Spanjolle për të vizituar të afërmit dhe miqtë, por ai për Pashkë jo. Spanja ka kufizuar udhëtimet jo-thelbësore nga Mbretëria e Bashkuar si dhe fluturimet nga Brazili dhe Afrika e Jugut, përveç udhëtarëve me kombësi Spanjolle.

Edel Strazimiri / SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.