Flukset e IHD në BE – Bien mprehtë në 2017-ën, firmat amerikane ulin ndjeshëm investimet

Fluksi i investimeve të huaja direkte nga Bashkimi Europian drejt pjesës tjetër të botës, rezultoi në 120 miliardë euro sipas të dhënave paraprake të 2017-ës, në rënie të mprehtë me rreth 52.2% nga 250 miliardë euro që ishin në vitin 2016. Paralelisht, fluksi i investimeve drejt Bashkimit Europian ishte thuajse 10 herë më i vogël se në 2016-ën, duke prekur 37 miliardë euro në 2017-ën, krahasuar me 340 miliardë një vit më parë.

Rezultati i 2017-ës tregon një ulje të mprehtë të investimeve nga kompanitë amerikane në tregun e BE-së.  Firmat në SHBA kanë reduktuar investimet me thuajse 274 miliardë euro.  Paralelisht, investitorët e Bashkimit Europian kanë reduktuar investimet me rreth 67 miliardë euro. Në vitin 2017, Zvicra ishte investitori direkt i huaj kryesor në Bashkimin Europian, me blerje prej më shumë se 90 miliardë euro.

Lidhjet janë përforcuar nga të dyja anët, ndërkohë që investitorët e BE kanë ndërmarrë investime prej 61 miliardë euro në Zvicër. Sasitë e investuara nga partnerë të tjerë ishin të limituara. Vetëm Japonia dhe Kanadaja kanë bërë investime direkte prej më shumë se 10 miliardë euro secila.

Klevis Llaha/SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.