Fluksi i madh – Zyrat e aplikimit për karta ID, të hapura edhe ditën e shtunë
Zyrat e aplikimit për karta identiteti do të jenë të hapura edhe ditën e shtunë, datë 2 shkurt, në qytetet kryesore të vendit. Njoftimin e ka bërë të ditur Ministria e Brendshme përmes, sipas të cilës Drejtoria e Përgjithshme e Gjendjes Civile ka urdhëruar hapjen e zyrave të aplikimit për Tiranën dhe disa qytete të tjera për shkak të fluksit të madh.
“Zyrat e aplikimit për karta ID, të hapura edhe të shtunën në qytetet kryesore të vendit. Drejtoria e Përgjithshme e Gjendjes Civile, për shkak të fluksit të aplikimeve për karta ID dhe për t’u ardhur në ndihmë qytetarëve, ka urdhëruar hapjen e zyrave të aplikimit për Tiranën dhe disa prej qyteteve kryesore të vendit, të shtunën, datë 2 Shkurt.
Në kuadër të masave që janë marrë për përballimin e fluksit, nesër, përveç Tiranës, do të jenë funksionale zyrat e aplikimit në qytetet: Berat, Durrës, Elbasan, Fier, Lushnje, Korçë, Shkodër, Kamëz dhe Vlorë.”
Ndërkohë, vetëm pak ditë më parë ministri i Brendshëm, Sandër Lleshaj, njoftoi zgjatjen e afatit të vlefshmërisë për 1.4 milionë kartat e identitetit që pritet të skadojnë gjatë vitit 2019.
SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.