FMN, kundër lehtësive fiskale – Raporti: Krijojnë mundësi për shmangie taksash
Ndërsa qeveria vijon të promovojë si mjaft pozitive ndryshimet fiskale të vitit 2018, ku reduktoi një sërë taksash për bizneset, kryesisht ato të mëdha, Fondi Monetar Ndërkombëtar nuk ndan të njëjtin mendim. Në raportin e publikuar së fundmi, FMN bën një analizë të detajuar të ndryshimeve fiskale, sipas së cilit kanë ngushtuar bazën tatimore dhe kanë ndërlikuar administrimin e taksave, duke mos rezervuar këtu kritikat për uljen e pragut të TVSH-së për bizneset e vogla.
“Norma Tatimit mbi Fitimin është reduktuar nga 15 në 5 për qind për rreth 11,000 biznese. Nga ana tjetër, reduktimi i pragut të TVSH futi rreth 13,000 mikro biznese në sistemin e TVSH-së nga prilli i vitit 2018,dhe kjo pati ndikim minimalist në të ardhurat “, shkruhet në raport. Nga ana tjetër thuhet se paketa fiskale e e 2019 pothuajse përgjysmoi taksën mbi dividentin (nga 15 në 8 për qind, dhe reduktoi TVSH-në për sektorë të të veçantë.
FMN konstaton se disa nga këto ndryshime komplikojnë regjimin e thjeshtë dhe të mirëstrukturuar të taksave, dhe krijojnë mundësi të reja për shmangien e taksave, duke marrë si shembull, manipulimin e të ardhurave të korporatave, duke i deklaruar si dividend.
Elisabeta Dosku/SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.