FMN paralajmëron për Brexit – “Të gjithë skenarët e ndarjes do të godasin ekonominë britanike”
Të gjithë skenarët e Brexit do të sjellin një goditje për ekonominë Britanike, paralajmëron Fondi Monetar Ndërkombëtar. Megjithatë, fondi bëri të ditur se një dalje pa marrëveshje, ku britanike del nga Europa pa formuar asnjë marrëdhënie tregtare, do të sillte rezultatin më të keq. “Ndërkohë që të gjithë skenarët e daljes do të sjellin kosto për ekonominë britanike, një marrëveshje që minimizon tarifat dhe barrierat tregtare do të ishte më e mira për t’u mbrojtur nga rreziqet”, deklaroi Fondi Monetar Ndërkombëtar.
Paralajmërimet vijnë ndërkohë që negociatat mes Mbretërisë së Bashkuar dhe Brukselit kanë ngecur në disa çështje, si e ardhmja e kufirit mes Irlandës dhe Irlandës së Veriut si dhe aksesi tregtar që vendi do të ketë pas Brexit. Duke e përkeqësuar situatën, një pjesë e parlamentit britanik që mbështet Brexit, është rebeluar kundër planit të Kryeministres për daljen, për shkak të pranimit të shumë rregullave europiane.
Parlamenti britanik duhet që të ratifikojë marrëveshjen përfundimtare që do të arrihet. Përveç kësaj, 27 vendet e Bashkimit Europian duhet të bien gjithashtu në dakordësi për marrëveshjen, duke shtuar kompleksitetin e procesit.
Klevis Llaha/SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.