FMN për sektorin bankar në BE – Thirrje për mbylljen e institucioneve të dobëta dhe shkrirje në sektor

Fondi Monetar Ndërkombëtar i bëri thirrje Europës që të ndërmarrë hapa të rinj në fuqizimin e sektorit bankar, duke theksuar nevojën e mbylljes së institucioneve të dobëta, mbrojtës më të fortë të sigurisë financiare dhe rinisjen e Blerjeve dhe Shkrirjeve (M&A) përtej kufijve.

Zv/ drejtori i fondit në Washington, David Lipton, tha se politikëbërësit në Europë duhet të përfitojnë nga rimëkëmbja ekonomike e rajonit.

Disa huadhënës kanë treguar në mënyrë të vazhdueshme kthime të ulëta nga aktivet dhe kapitali (RoA RoE), një tendencë që mund të vazhdojë duke marrë parasysh normat e ulëta të interesit në rajon dhe kurbat e paluhatura të yield-it.

Propozimet e fundit të Bankës Qendrore Europiane për huadhënësit që të vendosin provigjone në nivele të caktuara mund të ndihmojë në reduktimin e kredive të këqija që qëndrojnë në bilancet e tyre.

“Megjithatë ka ende nevojë për industrinë për konsolidim dhe racionalizim, përfshirë heqjen e lojtarëve me vështirësi dhe inkurajimin e shkrirjeve në sektor”, deklaron Lipton.

Progresi në planin e BE-së për një union të tregut të kapitalit ka qenë gjithashtu i ngadaltë. Megjithatë, dalja e Britanisë ka gjasa t’i japë nxitje procesit.

Thuajse 1/3-ta e financimit të bazuar në tregje të BE përfshin bankat në Londër. Shumë prej tyre po zhvendosin pjesë të rëndësishme të operacioneve në vendet anëtare të Bashkimit Europian.

Klevis Llaha/SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.