FMN pret një vit të zymtë – Georgieva: Virusi do të ngadalësojë ekonominë botërore në vitin 2020

Shefja e Fondit Monetar Ndërkombëtar, Kristalina Georgieva, tha se përhapja e shpejtë e koronavirusit do të largojë shpresat e rimëkëmbjes ekonomike në vitin 2020 dhe 1/3 e 189 vendeve anëtare të fondit janë tashmë të ndikuara nga epidemia.  Georgieva tha se Fondi pret tashmë një rritje ekonomike në vitin 2020 poshtë normës prej 2.9% që u regjistrua në vitin e kaluar.   Rishikimi përfaqëson një rënie me mbi 0.4%,  nga norma prej 3.3% që Fondi projektoi në muajin Janar, ku priste një rimëkëmbje prej paktit tregtar Kinë-SHBA.

“Kemi një sistem financiar shumë më të fortë se përpara krizës financiare. Megjithatë, ne po ndeshemi me pasiguri dhe po ndikon tek projeksionet, që në këtë pikë, na kanë bërë të presin një rënie të ekonomisë në vitin 2020, poshtë normës së vitit të kaluar”, është shprehur  Kristalina Georgieva, Shefja e FMN.

Gerogieva dhe presidenti i Bankës Botërore, David Malpass, theksuan rëndësinë e veprimeve të koordinuara për të limituar dëmin ekonomik dhe njerëzor të virusit.  Fondi ka disponuar 50 miliardë dollarë në financim emergjencë, përfshirë kredi me interesa tejet të ulëta që do të ndihmojnë vendet e varfëra të luftojnë epideminë.   Fondi projektoi 2 Javë më parë  se virusi do të heqë vetëm 0.1% nga rritja ekonomike, por ky skenar u bazua tek pritshmëritë se virusi do të përmbahet brenda Kinës.  Panorama ka ndryshuar shumë që prej atërherë, ndërkohë që virusi është përhapur në 60 vende jashtë Kinës. Kjo ka rritur pasigurinë dhe ka dobësuar kërkesën në të gjithë botën, ndërkohë që individët dhe bizneset marrin masa për të shmangur infeksionin.

SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.