FMN rishikon parashikimin e rritjes së Kinës për vitin 2019 në 6.3 për qind
Fondi Monetar Ndërkombëtar ka përmirësuar dukshëm parashikimin e rritjes së saj për Kinën gjatë këtij viti, duke cituar që përpjekjet e Pekinit për të mbështetur ekonominë dhe për të përmirësuar perspektivën për luftën tarifore të gjigantit aziatik me SHBA.
Në raportin e tij të fundit për ekonominë botërore, FMN bëri të ditur se Kina mund të shfaqë një rritje me 6.3 për qind gjatë këtij viti, më i lartë se parashikimi i mëparshëm i fondit prej 6.2 për qind.
Ekonomia e Kinës, e dyta më e madhe në botë, u rrit me 6.6. për qind vitin e kaluar – e cila shënoi performancën e saj më të keqe në 28 vjet. “Kina ka nxitur stimulin e saj fiskal dhe monetar për të kundërshtuar efektin negativ të tarifave të tregtisë.
Megjithatë, fondi reduktoi rritjen ekonomike të Kinës për vitin 2020 në 6.1 për qind nga parashikimet e mëparshme prej 6.2 për qind. FMN ka shkurtuar parashikimin e saj për rritjen globale tri herë që nga tetori i vitit të kaluar, për shkak të tensioneve midis SHBA dhe partnerëve të saj tregtarë.
Banka më e madhe e Europës HSBC tha se rritja e Kinës mund të arrijë në 6.6 për qind këtë vit – më e lartë se parashikimi i qeverisë kineze prej 6.0 për qind në 6.5 për qind. Autoritetet kineze kanë zbatuar masa monetare dhe fiskale për të mbështetur ekonominë e ngadalësuar, duke përfshirë uljen e taksave dhe uljen e rezervave që bankat duhet të mbajnë. Por në planin afatgjatë, rritja ekonomike do të ngadalësohet për shkak të ndryshimeve në demografinë dhe potencialin e produktivitetit.
Ada Xhagolli/SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.