FMN “zbret” në Kosovë. Takime për monitorimin e reformave në Administratën Tatimore

Misioni i FMN “zbret” në Kosovë dhe nga data 25 Tetor deri me 7 Nëntor 2017, Misioni i FMN do të zhvillojë takime në ATK në kuadër të Asistencës teknike dhe reformave në Administratën Tatimore”

Dje u mbajt takimi i parë, ku iu urua mirëseardhja këtij misioni duke u prezantuar objektivat dhe axhenda e punës në Administratën Tatimore në Kosovë.

“Asistenca Teknike në Reformat e Administratës Tatimore, do të përfshijë funksionet kryesore të ATK-së, si: përmbushja e obligimeve tatimore të tatimpaguesve, menaxhimi i borxheve tatimore, kontrollet tatimore dhe në përgjithësi zhvillimet institucionale, në modernizimin e administratës”, thuhet në njoftimin e ATK-së.

Gjatë takimit hyrës, u diskutua edhe për fushat e bashkëpunimit në kuadër të planit vjetor të Asistencave Teknike, të cilat mund të ofrohen nga FMN.

os.de/SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.