Fondet për rindërtimin/ Pas takimit me kryeministrin italian, kryeministri shqiptar njofton takim me kancelaren Merkel
Kryeministri shqiptar Edi Rama ishte në Romë ku u takua me kryeministrin Italian dhe zyrtar të tjerë në funksion të financimit të projektit të rindërtimit të vendit pas tërmetit të nëntorit të vitit të kaluar.
Takimet u zhvilluan pak javë para konferencës së donatorëve që parashikohet të mbahet në Bruksel, nën kujdesin e Presidentes së Komisionit Europian, Ursula Von Der Leyen.
Pas takimeve në Itali, kryeministri shqiptar tha se do të vijojë takimet në Gjermani. Në fillim të javës së ardhshme, kryeministri Rama tha se do të takohet me kancelaren gjermane Angela Merkel, në mënyrë që konferenca të ketë sukses.
SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.