Fondit Shqiptar për Zhvillimin e Diasporës – Qeveria miraton rregullat për krijimin e llogarive dhe menaxhimin e të ardhurave
Këshilli i Ministrave në mbledhjen e fundit ka miratuar rregullat dhe procedurat e detajuara për administrimin e llogarive, krijimin dhe përdorimin e të ardhurave të Fondit Shqiptar për Zhvillimin e Diasporës. Misioni i këtij të fundit konsiston në sigurimin dhe shpërndarjen e mjeteve financiare, në kuadrin e nxitjes së zhvillimit social-ekonomik e kulturor, bazuar në Strategjinë Kombëtare për Diasporën.
Referuar vendimit, FSHZHD-ja duhet të zbatojë një sërë detyrash, të cilat përfshijnë:
- lehtësimin e auditimit dhe raportimin e projekteve/programeve;
- identifikimin e grupeve dhe nëngrupeve të kostos për të gjitha shpenzimet, me qëllim krahasimin fizik dhe monitorime të tjera;
- paraqitjen e shpenzimeve sipas kategorive të kostos, si mirëmbajtje, mallra, shërbime këshillimi, trajnime, kosto operative etj.;
- paraqitjen e burimeve financiare, sa herë që kërkohet;
- regjistrimin e aktiveve, pasiveve dhe fondeve të akumuluara të projektit në grupe të caktuara
Sa i takon pasqyrimit në kontabilitet të llogarive bankare, ai do të bëhet në monedhën bazë dhe në kundërvelftën në lekë ose euro, ndërsa rimbushja e llogarive do të bëhet nga donator përmes një kërkese për tërheqje fondesh.
Ndërsa, llogaritë bankare për fondet nga buxheti i shtetit për projektet e financuara nga Këshilli i Ministrave hapen sipas parashikimeve të legjislacionit në fuqi për fondet buxhetore.
Kurse, llogaritë bankare për të gjitha të ardhurat e tjera çelen nga vetë ky institucion me përjashtim të rasteve kur ligji parashikon ndryshe.
Po ashtu, FSHZHD-ja, në përputhje me marrëveshjen e financimit hap një llogari të veçantë “Diaspora për diasporën”, fondet e së cilës do të ëp4rfitohen nga donacione të anëtarëve të diasporës. Të ardhurat e krijuara do të administrohen nga vetë institucione dhe përdorimi i tyre do të përcaktohet në varësi të burimit të krijimit të tyre.
G.D/SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.