“Food Bank” në Lezhë – Credins dhuron ndihma ushqimore për 30 familje në nevojë

Credins Bank vijon të qëndrojë afër familjeve në nevojë në të gjithë Shqipërinë, përmes dhurimit të ndihmave ushqimore. Stacioni i kësaj here i nismës “Food Bank” ishte qyteti i Lezhës, në të cilin Credins shpërndau pako ushqimore, për 30 familje në nevojë të zonës.

Përzgjedhja e familjeve më në nevojë në qytetin e Lezhës u bë pas një vrojtimi të kujdesshëm të stafit të bankës Credins, në Bashkëpunim me Bashkinë e Lezhës.

“Food Bank” është një nismë që ka ardhur në kuadër të përgjegjësisë sociale që Banka Credins ka në objektivat e veta strategjike. Credins, në mënyrë të vazhdueshme që nga themelimi i saj, ka qenë pranë shtresave në nevojë, në mënyrë të drejtpërdrejtë ose duke bashkëpunuar me institucione të ndryshme kombëtare dhe ndërkombëtare.

“Food Bank” është sjellë në jetë gjithashtu në kuadër të objektivit 2 “zero uri”, si pjesë e 17 objektivave të OKB. Të gjitha qytetet e Shqipërisë janë të përfshira në këtë nismë, e cila tanimë është kthyer në traditën më të re përmujore të Credins.

Jenida Vladi/ SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.