Formimi i Qeverisë në Itali – Berlusconi thotë se do të mbështesë Salvinin për Kryeministër

Lideri i bllokut të qendrës së djathtë në Itali, Silvio Berlusconi, tha se do të mbështesë liderin e partisë euroskeptike “Liga e Veriut”, në përpjekje për të formuar qeverinë.

Të katër partitë në koalicionin e qendrës së djathtë ranë dakord gjatë fushatës se lideri i partisë që fiton shumicën e votave do të drejtojë qeverinë.  Në një humbje personale për Berlusconin,

“Liga” kaloi partinë e tij  në zgjedhjet e të Dielës së kaluar, duke fituar rreth 17% të votave, kundër 14% të “Forza Italia”.

“Me respekt të plotë për marrëveshjet tona, ne do të mbështesim përpjekjet e Matteo Salvinit për të formuar Qeverinë”, tha Berlusconi.

Ai është i ndaluar për të mbajtur një post publik, për shkak të akuzimeve për mashtrime tatimore në vitin 2013,  për të cilën ai tha se ka vendosur partinë e tij në disavantazh.

Votimi rezultoi në atë që quhet parlament i varur, ku asnjë bllok nuk fitoi shumicën e votave dhe bisedimet për të formuar qeverinë do të zgjasin me muaj. Liga dhe lëvizja populiste “5 Yjet”, argumentojnë secila se presidenti duhet të caktojë liderët e tyre për Kryeministër.

Klevis Llaha/SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.