Forumi për zhvillimin e eksportit botëror “mbledh” në Budapest investitorë dhe sipërmarrës nga e gjithë bota. Datat dhe si mund të regjistroheni për të qenë pjesëmarrës
Qendra Ndërkombëtare e Tregtisë në bashkëpunim me Ministrinë e Punëve të Jashtme dhe Tregtisë së Hungarisë organizojnë në datat 25-26 tetor 2017 në Budapest, “Forumin për zhvillim të eksportit botëror”.
Në këtë forum do të marrin pjesë investitorë dhe sipërmarrës që operojnë në fushën e bujqësisë.
“Pjesë e rëndësishme e këtij eventi do të jenë dhe takimet B2B të cilat do të mbahen në datat 24-25 tetor. Sipërmarrësit dhe investitorë të njohur të fushës do të ndajnë me të pranishmit eksperiencat e tyre, si dhe rrugët e mundshme për të pasur sukses në tregun lokal dhe atë ndërkombëtar”, thuhet në një njoftim të AIDA-s.
Për më shumë informacion mund të klikoni këtu, ndërsa për regjistrim në lidhje me pjesëmarrjen në forum mund të regjistroheni këtu
Osman Dedja/SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.