FOTO/Aeroporti më i mirë në botë vazhdon punimet për t’u përmirësuar edhe më tej, ja si do të duket ai
Aeroporti i Jewel Changi nw Singapor tashmë është më i miri në botë e mesa duket nuk ka ndërmend te heqë dorë nga ky titull.
Një fasadë e madhe në formë kubi e përbërë nga xhami dhe çeliku pritet të përfundojë në tremujorin e katërt të vitit 2018, duke u hapur për publikun në fillim të vitit 2019.
I veshur me 9600 copa xhami, me kopshte të brendshme, e labirinthe, Jewel Changi do të shfaqë shumë risi, përfshirë një rrugë dedikuar pemëve.
Kjo është një përpjekje për ta mbajtur aeroportin e Singaporit tashmë të gjelbër edhe pse Jewel Changi do të ketë gjithashtu dyqane, restorante, një hotel e madje ura për të lidhur terminalet e pasagjerëve.
Në qendër të Jewel Changi do të jetë Valley Forest, një kopsht i madh i brendshëm me rreth 2.500 pemë dhe 100.000 shkurre nga vende të ndryshme përfshirë këtu Brazilin, Australinë, Tajlandën dhe SHBA.
Gjithashtu në qendër të saj do të jetë, ujëvarë më e madhe në botë në 40 metra, Duke përdorur ujin e shiut të mbledhur nga kulmi i kupolës së ndërtesës, shfaqjet e dritës do të bëjnë që ujëvara të ndriçojë ngjyra të ndryshme.
Në një përpjekje për ta mbajtur atë status – dhe për të rritur reputacionin e Changit, është planifikuar ndërtimi i një terminali të pestë i cili do të jetë gati për 2030, i cili mund të rrisë kapacitetin e trajtimit të aeroportit nga 82 milionë pasagjerët në vit në 150 milionë.
V.H/SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.