(FOTO) Tërmeti shkatërrimtar në Meksikë me magnitudë 7.1 ballë – Bilanci flet për 217 të vdekur
Një tërmet me magnitudë 7.1 ballë goditi Meksikën qendrore ditën e martë, e cila përkonte me përvjetorin e saktë të një prej tragjedive më të mëdha në vend, tërmetit të vitit 1985 që vrau 10 mijë njerëz dhe la mijëra të pastrehë.
Mbi 400 godina janë shembur në Mexico City dhe në shtetet përreth, duke shkaktuar 217 të vdekur, prej të cilëve mbi 20 janë fëmijë. Ndërsa mijëra ndërtesa të tjera kanë pësuar dëme, duke u bërë rrezik në rast të një tërmeti pasues.
Ky numër mund të rritet, ndërsa autoritetet e emergjencës po punojnë për nxjerrjen e njerëzve të mbetur të bllokuar nën rrënoja. Në ndihmë të tyre janë me qindra ekipe vullnetare, të cilët po mbledhin gurët e pjesët e betonit me lopata apo me duar.
#BREAKING University building in #Mexico City partly collapses as people rush out of the building. MORE SOON pic.twitter.com/pRWjZkZTn8
— Breaking News (@BreakWatcher) September 20, 2017
Rreth 2 milionë njerëz në kryeqytet mbetën pa energji elektrike, ndërsa linjat telefonike janë shembur. Zyrtarët kanë paralajmëruar banorët të mos pinë duhan nëpër rrugë, pasi tërmeti mund të ketë lëshuar edhe gaz në disa zona.
Në një fjalim në televizion, presidenti i vendit deklaroi gjendjen e emergjencës për zonat e prekura, ndërsa shtoi se ushtria do të vihej në dispozicion menjëherë për ndihmë.
Shkollat do të qëndrojnë të mbyllura ditën e sotme, ndërsa transporti publik do të jetë falas në mënyrë që njerëzit të mund të udhëtojnë drejt shtëpive të tyre.
Mesazhe ngushëllimi kanë ardhur nga të gjithë liderët botërorë, përfshirë liderin e SHBA, Presidentin Donald Trump, i cili ka postuar “Zoti bekoftë njerëzit e Mexico City. Ne jemi me ju dhe do të jemi atje për ju”.
Buildings collapse in #Mexico City after powerful earthquake pic.twitter.com/tBoGidF4qa
— NewsBlog breaking (@NBbreaking) September 20, 2017
Meksika ndodhet në një rajon sizmikisht shumë aktiv dhe vendi ka parë 19 tërmetë me magnitudë të paktën 6.5 ballë, gjatë shekullit të kaluar, 250 kilometra brenda rrezes së epiqendrës së tërmetit të së Martës.
Angelo Haruni/SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.