(FOTO)Era e fortë “shkul” shtyllën e tensionit të mesëm! OSHEE: Fieri dhe Vlora dy rajonet më të prekura
Moti i keq ka shkaktuar në vend një seri problematikash, mes të cilave edhe në furnizimin me energji elektrike. Dy rajonet më të prekura në këtë drejtim janë Vlora e Fieri. Operatori i Shpërndarjes së Energjisë Elektrike njofton se defektet e shkaktuara janë të llojit këputje përcjellësash, thyerje izolatorësh, dëmtime kabllosh e deri rrëzim injë shtylle të tensionit të mesëm.
“Në Vlorë, era e fortë ka dëmtuar fiderin “Vlora 1”, prej 6kV, duke rrëzuar shtyllat. Ekipet e defekteve ndodhen në terren duke riparuar rrjetin, i cili furnizon një pjesë të spitalit rajonal. Moti i keq është i disfavorshëm për një rikthim të shpejtë të energjisë, megjithatë stafet dhe masat shtese, të marra në kushtet e emergjencës, do reduktojnë kohën e riparimit të fiderit që ndodhet në zonën e TEC-it, Vlorë.
Aktualisht rajonet më të prekura nga defektet janë Fieri dhe Vlora, për shkak të motit të keq me shira dhe erëra të forta që ka përfshire vendin gjatë natës së mbrëmshme e duke vazhduar gjatë mëngjesit të ditës së sotme. Defektet janë kryesisht të llojit, këputje përcjellësash,thyerje izolatorësh, demtime kabllosh, etj” njofton OSHEE.
Nga brigadat e terrenit të OSHEE-së në të gjithë vendin po punohet me intesitet të lartë për riparimin e defekteve të mbetura. Megjithatë, vështirësi në riparimin e defekteve paraqitet në zonat rurale ky kryesisht janë linja ajrore, gjë që sjell vonesa në riparimin e tyre edhe për shkak të terrenit të vështirë në të cilin kalojnë këto linja.
SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.