Fotot e para të ekipit të bashkuar të Koresë së Veriut dhe të Jugut – Takimi para lojërave olimpike
Atletët nga Korea e Veriut e kaluan kufirin e Koresë së Jugut, një nga hapat e parë të një eksperimenti në diplomacionë e sportit për krijimin e një ekipi të unifikuar të dy vendeve. 12 lojtare nga Veriu do t’i bashkohen ekipit të hockey për femra të Koresë së Jugut dhe do të garojnë së bashku në Lojërat Olimpike Dimërore në Pyeongchang, të cilat nisin pas dy javësh.
Kjo ide e propozuar nga Jugu, e cila bashkon dy shtetet vjen si një lëvizje e papritur në një kohë kur tensioni bërthamor është i përshkallëzuar.
Edhe pse fotot e lojtarëve duke shkëmbyer lule dhe duke u stërvitur së bashku janë të këndshme, ekspertët dyshojnë se bashkëpunimi në fushën e akullit do të thotë marrëdhënie më të mira ushtarake, politike e ekonomike.
“Edhe pse sportet mund të shërbejnë si një katalizator diplomatik, ato nuk mund të ndryshojnë qëndrimet themelore politike. Në rastin më të mirë, kjo do të sillte bisedime të nivelit të lartë mes dy palëve dhe një dialog për çarmatimin bërthamor të Koresë së Veriut. Por jam pesimist”, shprehet Kim Sung Han, ish diplomat i lartë i Koresë së Jugut.
Lojtarët e Veriut e kaluan kufirin ditën e enjte, ndërsa ditët në vijim janë parë duke u stërvitur bashkë dhe duke ndarë vaktet.
A.H./SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.