FOTOT/ Ndërtesat e veçanta “lundruese” që mund të përballojnë stuhitë – “City Apps”, strukturat me dru dhe shishe plastike që mund të përdoren si shtëpi
Bangladeshi është një nga vendet që preket më së shumti nga përmbytjet, stuhitë dhe ndikimet nga rritja e nivelit të detit.
Konkretisht, në vitin 2016, Bangladeshi përjetoi katër ciklone, një numër rekord duke bërë një krahasim me vite më parë. Gjithashtu shkencëtarët flasin me shqetësim edhe për të ardhmen.
Sipas hulumtuesit kryesor për klimën në vend, Atiq Rahman: Deri në vitin 2050, rritja e nivelit të detit mund të përmbytë 17% të tokës dhe të zhvendosë deri në 18 milionë banorë nga Bangladeshi. Nga ndryshimet klimatike dhe “kapriçot” ekstreme të motit janë përmbytur shumë shtëpi, shkolla dhe ndërtesa tregtare çdo vit.
Por tashmë ofrohet një zgjidhje prej së largu, nga Amsterdami. Një firmë arkitekturore me bazë në Amsterdam e quajtur Waterstudio ka dalë me një zgjidhje të mundshme: Strukturat lundruese që mund të përballojnë stuhitë
Waterstudio do të dorëzojë pesë prej këtyre strukturave, të quajtura “City Apps”, në Dhaka të Bangladesh në fund të nëntorit.
“City Apps” mund të personalizohen për disa lloje përdorimesh, duke përfshirë klasat, sistemet e filtrimit të ujit, klinikat mjekësore ose shtëpitë. Gjatë ditës, një strukturë mund të jetë një klasë. Në mbrëmje mund të përdoret si internet kafe.
Katër njësitë e tjera do të shërbejnë si kuzhinë komunitare, një objekt me një banjë publike dhe dush dhe një tjetër me një gjeneratorë rezervë për energjinë elektrike. Njësitë përbëhen nga panelet diellore të vendosura në çati.
“City Apps” të cilat kushtojnë 53,000 dollarë, u ndërtuan në Amsterdam dhe strukturat janë të përbëra nga paleta prej druri, tela dhe mijëra shishe plastike të riciklueshme, të cilat lejojnë që strukturat të notojnë.
E themeluar në vitin 2003, Waterstudio është e njohur për strukturat lundruese. Ajo ka ndërtuar më shumë se 200 ndërtesa në ujë në të gjithë botën, duke përfshirë këto vila lundruese për një lagje të quajtur IJburg në Amsterdam, Holandës.
os.de/SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.