FOTOT/ Projekti 100 milionë dollarë që do të shndërrojë fshatin në majë të shkëmbit në një nga pikat më të bukura turistike
Dy kompani në provincën juglindore kineze të Sichuan kanë njoftuar planet për të investuar 630 milionë juan ose afro 100 milionë dollar amerikanë, për ta kthyer një fshat lokal në majë të një shkëmbi në një vend tërheqës turistik.
Paratë thuhet se do të vijnë nga fondi i pasurisë së qeverisë provincial Sichuan dhe një kompanie private turizmi.
Të dyja palët sugjerojnë që paratë të përdoren për të ndërtuar një varg objektesh.
Fshatarët lokalë të cilët i përkasin pakicës etnike Yi të Kinës kanë përdorur një shkallë të bërë prej hardhie për t’u ngjitur në një shkëmb prej 800 metrash sa herë ata duan të hyjnë e të dalin nga fshati.
Autoritetet lokale kanë marrë në konsideratë zhvendosjen e të gjithë fshatit. Sidoqoftë, toka relativisht pjellore deri në shkëmb I detyroi autoritetet që ta braktisnin këtë ide për shkak të tokës së shterur në rajonet e afërta.
Fshati fitoi vëmendje ndërkombëtare pasi një gazetë me bazë në Pekin raportoi në vitin 2016 të gjitha sfidat me të cilat ballafaqoheshin fëmijët lokalë në udhëtimin e tyre të përditshëm për të shkuar në një shkollë aty pranë.
Vizitorët kanë filluar të udhëtojnë drejt këtij fshati pasi autoritetet lokale investuan 1 milion juan për të zëvendësuar shkallët e mëparshme të hardhisë me shkallë prej çeliku.
“Turistë vijnë pothuajse çdo ditë, duan të ngjiten në shkëmb, duan të shohin fshatin tonë, ndonjëherë në vijnë 200 turistë në ditë”, tha Pachhaug, kreu i fshatit.
Moslalo, një banor i fshatit i cili hapi restorantin e parë në fshat, thotë se tashmë mijëra vizitorë, e kanë vizituar fshatin përfshirë këtu njerëz nga Chengdu, Pekini, Shenzhen dhe Chongqing.
“Shumë turistë zgjedhin të qëndrojnë këtu për disa ditë pasi ata ngjisin shkëmbin,” tha Moslalo.
Banorët e fshatit gjithashtu theksojnë se tani kanë qasje në shërbimet e internetit 4G dhe WIFI, si dhe shërbimet bankare.
V.H/SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.