FOTOT/Qiellgërvishtësja më e lartë në botë prej druri që do të transformojë qytetin në një pyll  

Një kompani japoneze po planifikon të ndërtojë qiellgërvishtësen më të lartë në botë ku 90 për qind e saj do të jetë e punuar me dru.

Pylltarja Sumitomo thotë se ndërtimi i kësaj qiellgërvishtëseje me material druri do të jetë 350 metra I gjatë dhe struktura e planifikuar do të jetë hibride kryesisht prej druri dhe çeliku.

Në planet e nxjerra këtë muaj thuhet se ndërtesa 70 katëshe e cila pritet të ndërtohet ne Tokio, do të përbëhet nga zyra, hotele, dyqane si dhe apartamente private.

Pylltarja Sumitomo, thotë se ky projekt ka për qëllim krijimin e qyteteve miqësore me mjedisin, në mënyrë që shfrytëzimi qe i bëhet pyjeve të përdoret për arkitekturën e ndërtesave të larta prej druri.

Përdorimi i 185,000 metër kub druri, ndërtesa pritet të kushtojë rreth 600 miliardë jen japonez, që do të thotë dyfishi i sasisë së parave që nevojiten për të ndërtuar një ndërtesë konvencionale me teknologjinë aktuale.

Megjithatë, kompania besonte se këto kosto do të uleshin kur druri të bëhej një material i përdorshëm vazhdimisht.

Aktualisht, ndërtesa më e lartë prej druri është 53 metra e lartë dhe shërben si strehim për studentët në Universitetin e Kolumbisë Britanike.

Gjithashtu gjelbërimi do të jetë një tipar i ndërtesës së “Sumitomo Forestry” duke ofruar një pamje biodiversiteti në një mjedis urban.

Planet e ndërtimit tregojnë ballkone që vazhdojnë rreth të katër anëve të ndërtesës, duke lënë kështu hapësirë që njerëzit të  mund të shijojnë ajrin e freskët, elementët e pasur natyrorë si dhe filtrimin e diellit përmes gjetheve”.

Me tërmetet jo të pazakonta në Japoni, ndërtesa do të inkorporojë një sistem strukturor të përbërë nga tuba të mbështjellë nga kolona, ​​trarë dhe mbështjellëse “për të parandaluar deformimin e ndërtesës si pasojë e forcave anësore si tërmetet apo era”

V.H/SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.