[FOTOT] Rruga Qafë Thore-Theth – FSHZH: Pritet të fillojë pranverën e vitit 2019
Rruga Qafë Thore-Theth parashikohet të fillojë punimet për ndërtimin e saj në pranverën e vitit 2019. Projekti për rrugën me gjatësi 16 kilometra lidh Thethin me Qafë Thorën, Bogën dhe Shkodrën do të zbatohet nga Fondi Shqiptar i Zhvillimit, një investim që rrjedh nga Masterplani i Alpeve.
Sipas këtij të fundit, aktualisht është zhvilluar një takim publik me komunitetin e Thethit mbi impaktin mjedisor dhe social të investimit që do të kryhet. Projekti parashikon gjerësi asfalti 4 deri në 4.75 metra dhe tre pikat më të rrezikshme të rrugës, sipas FSHZH-së do të ndërtohen 3 tunele nga 20-30 metra.
Ndërkohë, ndërtimi i rrugës Qafë Thore – Theth do të financohet nga qeveria shqiptare me mbështetjen e Bankës Botërore në kuadër të projektit “Rrugët Lidhëse Rajonale dhe Lokale.”
G.D/SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.