FOTOT/ Do të tregtohej në mënyrë të paligjshme dhe jashtë kushteve higjieno-sanitare, AKU bllokon 240 kg peshk
Autoriteti Kombëtar i Ushqimit bllokoi në Korçë, 240 kilogramë peshk, i cili transportohej dhe tregtohej në mënyrë të paligjshme.
“Më 11 nëntor, në bazë të një denoncimit të mbërritur nga qyteti i Korçës, për mënyrën e tregtimit të peshkut që kapej në liqenet e Prespës (Postecit) nga banorët e kësaj zone, AKU ka nisur menjëherë grupet e inspektimit, të cilët kanë bllokuar një sasi peshku prej 240 kilogramësh. Peshku sillej me arka plastike, në autobusin e linjës Pustec-Korçë nga banorët e zonës, që e peshkonin në liqen, në kushte të papërshtatshme ruajtje e transporti”, thuhet në njoftimin e AKU.
Nga ana tjetër, inspektorët e AKU, në bashkëpunim me Policinë Bashkiake dhe atë të Rendit bllokuan sasinë e peshkut dhe autobusin që e transportonte ditën e shtunë nga Pusteci në Korçë.
Ndërkohë, AKU po mban në mbikëqyrje autobusët e kësaj linjë, si dhe zonën ku ndalojnë, me qëllim parandalimin e këtij fenomeni.
os.de/SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.