Franca do taksojë gjigantët digjitalë nga viti 2019 edhe nëse nuk arrihet marrëveshja me BE

Ministri i Financave Bruno Le Maire tha se Franca tashmë do të taksojë gjigantët digjitalë në nivel kombëtar nga viti 2019 edhe nëse nuk arrihet një marrëveshje me Bashkimin Europian në lidhje me taksën mbi të ardhurat digjitale për bllokun.

Ministrat e Financave të BE nuk arritën të bien dakord në lidhje me tatimin mbi të ardhurat digjitale ditën e martë, pavarësisht një plani franko –gjerman për të shpëtuar propozimin duke ngushtuar fokusin e saj në kompanitë si Google dhe Facebook.

“Unë dëshiroj që kjo marrëveshje për taksën europiane për gjigantët digjital të arrihet deri në mars ” – tha Le Maire për televizionin France2. “Nëse kjo nuk funksionon, atëherë ne do ta bëjmë atë në një nivel kombëtar, që nga viti 2019”.

Gjatë kësaj jave në Bruksel, kjo goditje vjen ndaj presidentit francez Emmanuel Macron, qeveria e të cilit ka investuar një kapital të konsiderueshëm politik në taksë. Ajo erdhi gjithashtu në një kohë kur qeveria franceze ishte e zënë nga protestat mbarëkombëtare kundër kostos së lartë të jetesës dhe politikat ekonomike të perceptuara si favorizim i biznesit të madh dhe të pasurve, por duke mos bërë asgjë për të ndihmuar të varfrit.

Ada Xhagolli/SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.