Franca i kundërpërgjigjet SHBA – Do të apelojë tek OBT për kërcënimin e tarifave!
Franca po konsideron të apelojë tek Organizata Botërore e Tregtisë për kërcënimin e Washingtonit se do të vendosë tarifa ndaj 2.4 miliardë dollarë importe franceze, pas një vlerësimit se taksa franceze për shërbimet dixhitale diskriminon firmat amerikane.
Zyrtarët francezë kanë argumentuar se taksa që ndikon kompani të mëdha dixhitale nuk është diskriminuese për firmat amerikane, për shkak se godet dhe firma nga vende të tjera.
Ministri i Financave, Bruno Le Maire, tha se Franca është gati të apelojë kundër kërcënimeve të SHBA më gjykata ndërkombëtare, kryesisht Organizatën Botërore të Tregtisë.
Në Korrik, Franca vendosi mbi një taksë prej 3% ndaj të ardhurave totale të gjeneruara nga disa kompani që ofrojnë shërbime dixhitale tek përdoruesit francezë.
Kjo taksë aplikohet vetëm ndaj kompanive që kanë të ardhura totale nga shërbimet dixhitale prej të paktën 750 milionë euro në të gjithë botën dhe 25 milionë euro në Francë.
Në kundërpërgjigje, Përfaqësuesi i Tregtisë në SHBA, Robert Lighthizer, lajmëroi se SHBA do të nisë një hetim për ligjin francez dhe ndikimin që ka tek kompanitë amerikane.
Debati ka marrë vrull ndërkohë që Lighthizer kërcënoi se do të vendosë tarifa prej 100% ndaj 2.4 miliardë dollarë mallra francezë, përfshirë verën, djathin dhe çantat e luksit.
SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.