Franca, kundër Moderna për të rinjtë – Autoriteti i shëndetit publik përmend rreziqe të zemrës për personat nën 30 vjeç

Autoriteti i shëndetit publik në Francë ka rekomanduar njerëzit nën moshë 30 vjeç  që të marrin vaksinën e Pfizer ndaj Covid-19 kur të jetë e disponueshme, në vend të vaksinës së Moderna Spikevax, që mban rreziqe më të larta të problemeve të lidhura me zemrën.   Autoriteti i Lartë Shëndetësor (HAS) që nuk ka fuqi ligjore për të ndaluar apo licensuar ilaçet, por që vepron si një këshillues ndaj sektorit shëndetësor në Francë, përmendi rreziqe “shumë të rralla” të lidhura me Miokarditin, një sëmundje e zemrës që është shfaqur tek të dhënat e fundit të vaksinës së Moderna dhe në një studim francez të publikuar këtë javë.

“Në popullsinë nën 30 vjeç, rreziku duket se është 5 herë më i vogël me aksinën Comirnaty të Pfizer, krahasuar me Spikevax të Moderna”- deklaroi Autoriteti shëndetësor.  Institucioni i pavarur deklaroi se rekomandimi, që do jetë i vlefshëm pavarësisht përdorimit të vaksinës si dozë e parë, dytë apo tretë,  deri sa të publikohen më shumë zbulime shkencore për çështjen.

Për personat sipër 30-vjeç, autoriteti rekomadoi në mënyrë eksplicite përdorimin e Moderna, duke thënë se norma e efektshmërisë është superiore.  Rregullatori i barnave i BE miratoi dozën nxitëse të Moderna në muajin e kaluar, duke thënë se vaksina është e përshtatshem për njerëzit në moshë 18-vjeç e sipër, të paktën 6 muaj pas dozës së dytë.

Klevis Llaha / SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.