Franca, më mirë se vendet fqinje! Japin efekt reformat e Macron. Fuqizohet punësimi dhe industria

Franca ka krijuar më shumë vende pune në tremujorin e tretë  dhe industria është fuqizuar gjithashtu, ndërkohë që ekonomia e dytë më e madhe e Eurozonës i shpëtoi ngadalësimit që ka pllakosur ekonomitë fqinje.

Ekonomia shtoi 54,300 vende pune neto në sektorin privat, në rritje me 0.3% nga tremujori i kaluar, sipas zyrës kombëtare të Statistikave.  Të dhënat tregojnë se reforma e punës e Presidentit Emmanuel Macron, e  prezantuar 2 vite më parë, po jep efekt.  Kjo  synonte nxitjen e krijimit të vendeve të punës dhe reduktimin e punëve të pasigurta, duke i bërë pozicionet e përkohëshme më të shtrenjta për punëdhënësit.

Franca po përfiton gjithashtu nga një ekspozim më i ulët ndaj tregtisë kineze, krahasuar me vendet homologe. Sipas ekonomistëve, mbiperformanca e ekonomisë francize mund të jetë gjithashtu pasojë e reformave të tregut të punës të presidentit Macron.  Vendet e përkohëshme të punës ranë me 0.5% në tremujorin e tretë,  në nivelin më të ulët në 2 vite.

Prodhimi industrial tregoi gjithashtu rritje me 0.3% në Shtator, nxitur kryesisht nga ndërtimi.  Prodhimi në manifakturë u rrit me 0.6% gjatë muajit, duke ulur shqetësimet për një ngadalësim industrial, që ka goditur ekonominë më të madhe të Europës, Gjermaninë.

SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.