Franca përshpejton vaksinimin – Përfshin zjarrfikësit dhe punonjësit e ndihmave pas fillimit të ngadaltë

Franca po zgjeron fushatën e vaksinimit kundër Covid-19 tek zjarrfikësit dhe punonjësit e ndihmave në moshë mbi 50 vjeç, pasi fillimi i programit ishte i ngadaltë, sipas ministrit të Shëndetësisë, Olivier Veran. “Ne do të amplifikojnë, përshpejtojmë dhe thjeshtëzojmë strategjinë e vaksinimit”, – tha Veran, duke shtuar se 300 qendra të vaksinimit do jenë operuese nga java e ardhshme.  Franca përshpejtoi vaksinimin që në nisje të Javës te stafi mjekësor në spitale, pasi u kritikua për një nisje të ngadaltë tek një nga vendet më skeptike mbi injeksionin.  Franca shpërndau vetëm 516 vaksina gjatë javës së parë, që u përqendrua tek banorët e azileve.

Nisja e ngadaltë në krahasim me vendet fqinje si Gjermania dhe Britania kishte irrituar presidentin Emmanuel Macron, që u takua me kryeministrin dhe ministrin e Shëndetësisë në nisje të Javës, për të diskutuar përshpejtimin e programit të vaksinimit.  Veran tha se deri në fund të muajit Janar, Franca do të autorizojë vaksinimin e njerëzve nga mosha 75 vjeç e sipër  që jetojnë në shtëpi.

“Do përshpejtojmë porositë e vaksinave në nivel europian për t’i dhënë vrull ritmit të dërgesave për Francën. Sot ne kemi një ritëm të dërgesave në 500,000 dozash në javë të vaksinës së Pfizer. Së shpejti,  nëse miratohet ditën e Mërkurë, do të kemi 500,000 doza edhe të vaksinës së Moderna në muaj,” tha Olivier Veran, Ministri i Shëndetësisë.

Ministri francez shtoi se janë identifikuar 10-15 raste të variantit të ri britanik të koronavirusit në Francë.  Vendi ka një total prej mbi 2.6 milionë rastesh me Covid-19, që është numri i pestë më i madh në botë, ndërkohë që vdekjet kanë kaluar 65,000 , duke u pozicionuar në vend të 7.

Klevis Llaha / SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.